“Vendedores Husu Kontrolu Fos Iha Merkadu”

.

Jornal Timor Post - Kuarta, 01 Fevereiru 2012

Vendedores husu ba governu atu kontrolu orjenti folin fos ne’ebe maka sa’e maka’as iha merkadu Hali laran.

Cipriano hanesan fa’an fos, hateten ho folin foos ne’ebe sa’e iha merkadoria, tamba fos ne’ebe maka fa’an dala ruma ema la dun sosa ou ema hirus tan ami.

Nia deklara liu tan katak, fo’os ne’ebe mak sira fa’an 35kg kada saka ho folin U$19,50 centavos, ami manan deit Us0,25 centavos, maibe iha fatin seluk fa’an foos ho folin ne’ebe aas liu.

Iha fatin hanesan Jacinta hanesan konsumidores hateten katak, nia senti duvidas ho folin fo’o ne’ebe sa’e maka’as iha merkadoria tamba fo impaktu ba povu kiik sira.

“Ami husu ba governu atu kontrola folin fo’os, ne’ebe maka folin sa’e maka’as, tamba ida ne’e susar baa mi atu sosa,” dehan nia ho tristeza kaor ho hirus.

Iha fatin hanesan vendedores Agusto ne’ebe fa’an modo hateten katak, hanesan negosiante nia senti triste, tamba ho foos folin ne’ebe sa’e iha merkadoria tamba modo ne’ebe nia fa’an la sufisiente par abele hola fo’os saku ida kada loron ida hodi sustenta uma laran.

.