.
Notisia Husi TVTL - Kuarta Kalan, 01 Fevereiru 2012
Estudante iha eskola sekundaria husu ba implementa lian maternal atu halo uluk estudu viavilidade molok implementa lingua maternal iha eskola.
Estudante no Profesores iha eskola sekundaria iha kapital Dili, hateten katak, implementasaun lian maternal sei prejudika estudante sira, maske nune’e sira mos sujere ba ministeriu edukasaun atu hare didiak kestaun ne’e antes implementa.
“Tuir hau nia hanoin ida ne’e la dun diak, tamba sei fo impaktu ba ita nia alin sira iha eskola, tamba karik ita nia mestri sira iha eskola sira lahatene lingua mamaba’e, maibe iha eskola ne’e alunus sira maioria mamaba’e, entaun oinsa mestri sira hanorin ho lian mamaba’e,” lamenta estudante ne’e.
“Alunus sira estuda fali lian mamaba’e, lian makasae ho seluk tan, ida ne’e mak halo ami estudante sira sai perguntas bot katak, bele ka la’e estudante sira ne’e aprende lian maternal ne’e?,” perguntas estudante seluk.
"Profesores sira ne’ebe mak nia hanorin iha turma ida, prujemplo nia hatene maka lian Bunak, se kuandu estudante sira makasa’e, nauweti, mamba’e, baikenu mos iha laran, entaun oin sa mestri ne’e hanorin sira,” lamenta professor.
Antes ne’e, planu implementasaun lian maternal hetan prtesta maka’as husi Sindikatu Profesores, organizasaun rede feto, noa estudante sira, lian maternal hanesan projeitu pilotu entre Ministeriu Edukasaun, UNESCO no ONG ne’ebe tuir planu sei implementa uluk nudar projeitu pilotu ba eskola bazika iha distritu Lautem, Manatutu no Wekuse.
.
0 comentários:
Enviar um comentário