Sekurity Maubere Falsifika Dokumentus Sosiu “PM Xanana Gusmao Husu MS Atu Reviw”

.

Notisia Husi TVTL - Sesta Kalan, 03 Fevereiru 2012

Adjuntu Inspetor Jeral husu ba Ministeriu Saude atu tetu no hare didiak dokumentu kompania Sikurity Maubere, ne’ebe iha projeitu tenderijasaun hodi fo seguransa ba Hospital Nacional Guido Valadares no hospital referal distritais.

Adjuntu Inspetor Jeral hato’o lia hirak ne’e, liu husi konferensia da imprensa, Sesta-feira ne’e iha Dili, relasiona ho projeitu tenderijasaun ne’ebe loke husi Ministeriu Saude hodi fo seguransa ba Hospital Nasional Guido valadares no hospital Referal iha distritu.

Francisco rasik husu orjenti ba Ministeriu Saude liliu dirasaun nasional de Administrasaun Lojistika iha Provizionamentu atu tetu no hare didiak dokumentus Kompania Sekurity Maubere, ne’ebe mak konkore iha tenderizasaun tinan 2012.

Hatan ba kestaun ne’e dirasaun nasional lojistika e aprovizionamentu Ministeriu Saude, Leao Borges promete katak, atu evita problema ne’e ba oin sira sei esforsu maka’as atu oinsa bele hare didiak dokumentu ne’ebe iha, antes atu fo sai rejultadu tenderizasaun.

Antes ne’e, bazeia ba despaixo Primeiru Ministru xanana Gusmao iha tinan 2010, liu husi rejultadu inspensaun Jeral detekta kompanya Sekurity Maubere halo falsifikasaun dokumentus sosiu hodi tuir no manan tender.

Hare ba rejultadu refere, iha tempo ne’ebe PM Xanana Gusmao, fo kedan orientasaun ba Ministeriu Saude atu reviw hikas kontratu ne’ebe maka estabelese ona.

Aliende atu reviw, Xefe Governu mos hasai despaixu ida ba dirasaun impostu atu halo auditoria externa ba kompania refere.

Ironiku oituan, tamba maske inspensaun Jeral detekta kompania security Maubere falsifika dokumentus sosiu hodi manan tender iha tinan 2010, maibe realidade ba periodu tinan 2012 Ministeriu Saude nafatin fo oportunidade ba kompania Sekurity maubere, hodi partisipa iha tenderizasaun.

.