Problema Implementasaun Lian Maternal Iha Eskola “Krizi 2006 Sai Sasukat Ba Timoroan, Tamba Hamosu Sukuisme”

.

Jornal INDEPENDENTE - Kuarta, 01 Fevereiru 2012

Sekretariu Jeral Sindikatu Profesor Timor-Leste (SPTL) Francisco da Costa Fernandes dehan, tuir lolos lapresiza hatama lian maternal ba kurikulu tamba bele hamate lian maternal minoria iha fatin balun.

Tuir nia, iha artigu 13 Konstituisaun RDTL rekoinese lingua ofisial tetun no Portugues no lian maternal sira, maibe tuir lolos presiza dezenvolve uluk lian tetum no portugues tamba durante ne’e dezenvolvementu lingua rua ne’e seidauk lao diak,” Francisco hateten.

“Lian maternal ne’e labele tau iha sistema kurikular, hodi obriga lian maternal seluk, maibe tau nuudar lian intrudusaun deit, ne’ebe agora dadaun la’o hela,” dehan nia.

Deklarasaun Primeiru Ministru Xanana Gusmao nia dehan, implementasaun lian maternal sei la sobu unidade nasional, maibe Francisco dehan interpretasaun publiku nian, bazeia ba istoria pasadu hatudu hahu husi 1075, krize 2006 no agora bainhira konflitu kiik ida mosu ema komesa hafahe parte ida no parte seluk hodi hamosu sukuismu.

“Krize 2006 lingua sai hanesan parte ida atu determina ema husi parte Leste ou parte Oeste entaun oromatikamente implementa ida ne’e mos sei mosu,” dehan nia.

Alende ne’e, sekjer SPTL ne’e mos hatutan tan katak, konaba vontade governu nia hodi dezenvolve lian tetum, ne’ebe tuir nia haree governu faila hodi dezenvolve lian nasional ne’e.

“Ita kontra ona ita nia konstituisaun, livru sira ne’ebe oras ne’e serkula iha teritoriu Timor laran tomak, ho lian portugues no estadu nunka hanoin produs material iha lian tetum atu ita promove sai lian nasional,” dehan Francisco.

.