Preparasaun ba Eleisaun 2012 “PR Horta: Husu Ba Povu Labele Fo Votus Nar-Naran De’it, Tenki Fihir Ukun Nain Ne’ebe Iha Responsablidade”

.

Notisia Husi TVTL - Sesta Kalan, 03 Fevereiru 2012

Prezidenti Republika Jose Ramos Horta Sesta-feira ne’e halao dialogu komunidade sub Distritu Jumalai, iha dialogu ne’e, Prezidenti republika apela maka’as ba komunidade sira katak, wainhira iha eleisaun ba Prezidensial no Parlamentares povu tenki fihir ukun nain ne’ebe iha responsablidade atu atende sira nia moris uha terenu.

“Imi fihir didiak semak imi atu vota, se mak imi fiar, partidu lubuk ida, 24 ou 26 ona, ema mai koalia nar-naran tun sa’e imi tuir arbiru, fahe votus ne’e arbiru, hau hateten ba ita boot sira, ita nia parlamentu Nasional runguranga los, hanesan fali bazar iha domingu,” deklara Horta.

Durante sorumutu komunidade kestiaona liu konaba salariu ba professional saude, profesores inklui aumenta subsidiu ba idozus.

Hatan ba kestaun ne’e Prezidenti Republika Jose Ramos Horta hateten, nia rekoinese problema ne’ebe durante ne’e komun idade sira infrenta, tamba ne’e nia sei rekomenda ba governu atu aumenta subsidiu ba idozus sira.

“Hau sei lori ita boot sira nia preokupasaun, hau hanoin situasaun ida ne’e hau konkorda, tamba folin sasan sa’e, hau sei haree iha 2012, kona ba ponte hau sei hato’o ba Ministru Infra-estrutura atu hasia estrada ba suku hotu-hotu no Aldeia, tamba kondisaun ne’e, hau mos konkorda tenki aumenta vensimentu Dotor nia, tamba oras ne’e dadaun sira manan de’it U$250 dollar, ba ferik katus hau hanoin aumenta ba

US$50 dollar, tamba sasan folin karun,” Promete PR Ramos Horta.

Hafoin dialogu Prezidenti Republika fo apoiu material konstrusaun ba sentru komunitariu inklui apoiu manta ba komunidade sub distritu Jumalai, programa dialogu ne’e hala’ao hanesan programa fiksu Prezidenti Republika hodi hakbesik ba komunidade iha mandatu hikus Prezidenti Republika Jose Ramos Horta nian.

.