.
Jornal INDEPENDENTE - Sesta, 03 Fevereiru 2012
Iha tinan kotuk, liu husi Projetu Pakote Referendum (PPR), governu tentu atu redus problema estrada kuak, projetu ne’e la’o duni, konsege Governu AMP taka duni estrada kuak ho rai, maibe, la kleur deit tama iha tempu udan, bee hahu sobu hikas, tamba projeitu refere laiha kualidade.
Udan-been ho fasil loos sobu hikas estrada kuak ne’ebe taka ona, tamba kuak ne’e taka deit ho rai, realidade ne’e sai prokupasaun bot lideransa lokal sira iha distritu Oe-cusse.
Xefe Suku Nipane, Sub Distritu Pante Makasar, Distritu Oecusse, Anselmos Colo, dehan, kondisaun estrada husi fronteira sakato to’o kapital Oe-cusse ne’ebe iha tinan kotuk hetan reabilitasaun liu husi Projeitu Pakote Referendum oras ne’e aat fila fali.
Nia dehan, kondisaun estrada sai aat liu tan, tamba rai ne’ebe uza hodi taka estrada kuak ne’e hahu dodok, ne’ebe halo bee naliun iha fat-fatin no bainhira bee maran provoka rai rahun, halo populasaun ne’ebe hela besik mak sai vitima.
Tan ne’e, nia husu ba governu katak, bainhira hakarak hadia kondisaun estrada iha sira nia area tenki ho kualidade, labele taka ho rai de’it, nia mos dehan tan, kondisaun ne’e halo transporte balun oras ne’e dadaun la halai iha fatin refere.
.
0 comentários:
Enviar um comentário