MTCI La Kumpri Kontratu Ho Kompania TG “Batar Tonelada 3.000 Sai Aat Iha Armazen”

.

Notisia Husi TVTL - Tersa Kalan, 31 Janeiru 2012

Komisaun C Parlamentu Nasional hala’o inspensaun ba armazen Timor Global hodi hare ba batar tonelada 3.000 (rihun tolu) ne’ebe hatam iha armajen refere, batar tonelada rihun tolu ne’e kompania Timor Global atama hafoin kontratu ho MTCI.

Batar tonelada rihun tolu ne’e, la aproveita ona tamba praju liu, tamba ne’e Komisaun C Parlamentu Nasional ba asuntu Ekonomia Financas no Anti Korupsaun hala’o inspensaun orjenti ba armajen refere.

Informasaun ne’ebe hetan iha inspensaun ne’e maka, Batar tonelada rihun tolu ne’e, kompania Timor Global importa husi Tailandia iha fim de Setembru 2011, bazeia ba kontratu ne’ebe kompania ne’e halo ho MTCI, maibe to’o oras ne’e MTCI rasik seidauk foti batar ne’e no MTCI mos seidauk halo pagamentu ba kompania refere, tamba ne’e kompania senti lakon.

Relasiona ho kestaun ne’e, Deputadu Aderito konsidera asaun ne’e hanesan mal jestaun ne’ebe MTCI kontinua repete no halo kompania Timor Global maka sai vitima.

.