.
Jornal Timor Post - Kuarta, 01 Fevereiru 2012
Sekretariu Jeral Frente Revolusionariu Timor-Leste Independente (FRETILIN), Mari Alkatiri hateten, Timor-Leste labele senti sai fali oan ki’ak bainhira mandatu ONU remata iha fulan Dezembru tinan 2012.
“Hau lakohi UNMIT nafatin iha ne’e, ha’u hanoin ital abele sai fali oan husi Nasoens Unidas ne’e, ne’ebe kuandu sira ba ona, ne’e ita sai oan kiak, lae, ital abele senti situasaun iha ne’e atu sai fali oan kiak,” eis Primeiru Ministru ne’e dehan ba Jornalista sira iha Sede FRETILIN Comoro, Tersa (31/01), hafoin enkontru ho delegasaun ONU.
Nia mos lakohi atu UNMIT kontinua halo seguransa iha Nasaun Timor-Leste ne’e, tamba paz no estabilidade la’o no hetan kontribuisaun maka’as husi parte hotu.
“”hau la husu sira atu kontinua halo seguransa iha ne’e, tamba hau mos lakonkorda sira atu kontinua iha ne’e, maibe, ita presiza maka apoiu dezenvolvimentu husi ONU,” haklaken Mari.
Maske mandatu UNMIT sei remata iha fulan Dezembru tinan 2012, maibe delegasaun UNMIT preokupa ho koperasaun Timor-Leste ninian iha futuru, wainhira husik Timor-Leste.
“UNMIT sira nia preokupasaun maka kuandu UNMIT sai husi Timor-Leste iha fulan Dezembru tinan ne’e, relasaun entre Timor Leste ho ONU kontinua ka la kontinua, naturalmente ita sempre presiza Nasoens Unidas iha area dezenvolvimentu nian,” Mari Alkatiri dehan hafoin hasoru malu ho delegasaun ONU iha Sede FRETILIN, Comoro.
Nia esplika, koperasaun entre Timor-Leste ho ONU kontinua, maibe, iha area dezenvolvimentu nian ne’ebe presija haree atu hametin justica, saude no edukasaun, tamba dezenvolvimentu la la’o, paz no estabilidade laiha.
“Ita sei presiza Nasoens Unidas atu aumenta kapasidade no hare ita nia manajementu jestaun ninian, atu bele haree ita nia osan rasik, tamba ita haree iha tinan hirak nia laran ne’e osan barak maka ita fakar deit, maibe rejultadu laiha,” nia sublinha.
.
0 comentários:
Enviar um comentário