“Lere Anan Timur: Husu F-FDTL Labele Envolve Iha Partidu Politika”

.

Notisia Husi TVTL - Kinta Kalan, 02 Fevereiru 2012

Intituisaun F-FDTL prontu garantia seguransa ba povu no nasaun wainhira mandatu UNMIT remata iha Timor Leste, Xefe Estadu Maijor Jeneral Lere Anan Timur husu ba elementus F-FDTL atu labele involve an iha Partidu Politiku.

Falintil-Forca Defeza Timor Leste harii iha tinan 2002, iha kinta-feira ne’e selebra simu primeiru aniversariu transformasaun FALINTIL ba FDTL, Maijor Jeneral Lere Anan Timur iha kumprimisiu atu fo seguransa no garante katak, instituisaun F-FDTL sei sai profesionalizmu ba nasaun soberanu, F-FDTL no PNTL sei sai hanesan simbolu unidade nasional ba nasaun ida ne’e.

Papel F-FDTL importante ba nasaun ida wainhira hasoru independente ba nasaun de soberania, Lere Anan Timur refirsa tan katak, tinan ida ne’e sei mosu dezafiu barak ba F-FDTL, tamba sei hasoru eleisaun jerais mai, Lere mos husu ba elementus F-FDTL atu labele involve an iha vida politika, tamba ida ne’e sei prejodika kareira F-FDTL, maibe husu atu hala’o servisu ho netralidade no kria estabilidade iha nasaun foun ida ne’e.

.