“Kurta-feira, Kandidatura Francisco Xavier do Amaral Rejistu Iha TR”

.

Notisia Husi TVTL - Kuarta Kalan, 01 Fevereiru 2012

Francisco Xavier do Amaral rejista ona iha Tribunal de Rekursu hodi konkore ba kandidatura Prezidensial, ekipa susesu hateten, saude Francisco Xavier do Amaral la fo impaktu ba nia kandidatura.

Ekipa susesu ba kandidatura Prezidensial Francisco Xavier do Amaral kuarta-feira ne’e hala’o rejistu iha Tribunal Rekursu, Dili, ne’ebe simu husi Juis Tribunal Dili Gelermino da Silva.

Hafoin rejista ekipa susesu Arlindo Marcal hateten, Saude Francisco Xavier do Amaral la fo impaktu ba nia kandidatura Prezidensial tinan ida ne’e.

“La fo impaktu ba nia kandidatura, la fo impaktu ba nia apoiante sira atu kandidatu nia nafatin, ate agora ami konsege halibur kartaun 15.000, maibe ami hatam ba rejistu ne’e 7.000, restu ne’e rejerva hela,” dehan Arlindo Marcal.

Arlindo Marcal informa, apoiante husi distritu 13 sei fo sira nia votus nafatin ba proklamador Francisco Xavier do Amaral ba eleisaun Prezidensial periodo tinan 2012-2017.

.