Konstrusaun Edifisiu CNE Atraza “Sei Defikulta Servisu CNE Ba Eleisaun Presidensial No Parlamentar”

.

Notisia Husi TVTL - Kinta Kalan, 02 Fevereiru 2012

Konstrusaun ba edifisiu CNE ne’ebe kaer husi kompania Nasional Atramor Susesu LDE, to’o agora seidauk remata, tamba ne’e difikulta servisu Komisaun Nasional ba preparsaun eleisaun Presidensial no Parlamentar.

Observasaun TVL kuarta-feira semana ne’e, trabalador sira husi kompania Atramor Susesu Lda kontinua servisu hodi finaliza konstrusaun ba sede Comisaun Nasional da Eleisaun (CNE), maibe tuir tempo ne’ebe determina husi azensia dezenvolvimentu nasional atu remata iha loron 28 fulan Fevereiru tinan ne’e seidauk iha mudansa.

Tuir diretor CNE Olava da Costa katak, ho konstrusaun sede Nacional CNE ne’ebe la’o tarde fo impaktu maka’as ba servisu CNE nian hodi prepara ba eleisaun Presidensial no Parlamentar iha fulan oin, no tuir nia predisaun katak Projeitu ne’e to’o agora sei atraza min 50%.

Tuir agenda ne’ebe fo sai ona husi Prezidenti da Republika katak, eleisaun Presidensial sei hala’o iha loron 17 fulan Marsu no sei kontinua mos ba eleisaun lejislativa, maibe prosesu konstrusaun ba edifisiu foun CNE ne’e to’o oras ne’e ladauk iha mudansa.

.