Kondisaun Eskola A’at “Estudante Ezizi Ministeriu Edukasaun”

.

Notisia Husi TVTL - Kuarta Kalan, 01 Fevereiru 2012

Estudante eskola 10 de Dezenbru husu ba Ministeriu da Edukasaun atu tau atensaun masima ba sira nia eskola, tamba to’o agora sira la tuir aulas, tamba sira nia eskola sei iha prosesu reabilitasaun, estudante husu ba Ministeriu kompotente atu rejolve problema ne’ebe sira infrenta.

“Ami ezizi ba Ministeriu Edukasaun atu bele hare ami nia kondisaun eskola nian, liu-liu livru ne’ebe laiha atu mestri sira hanorin ami, kadeira no meza ne’ebe laiha halo ami estudante laiha vontade atu estuda, ami mos ezizi ba ministeriu edukasaun atu bele finaliza lalais prosesu reabilitasaun ne’ebe sei la’o hela,” Deklara Porta Vos estudante ne’e.

Relasiona ho kondisaun eskola ne’e, estudante sira hala’o sira nia aktividades eskolares tuir turma ne’ebe determina, primairu ano tuir aktividade eskola iha primeira semana, segundu ano tuir aktividade eskola iha segunda semana no terseiru ano iha terseira semana, kondisaun ne’e limiti tebes hodi difikulta aktividade estudante ba prosesu aprendizazen.

.