“Komunidade Ho Estudante Lakonkorda Implementa Lian Materna Iha Eskola”

.

Notisia Husi TVTL - Kuarta Kalan, 01 Fevereiru 2012

Komunidade ho estudante la konkorda ho Politika Ministru Edukasaun atu implementa lian Maternal, tuir mai komunidade nia lian.

“Kona ba lian maternal ne’e hau la dun konkorda, sei hamsou diskriminasaun,” dehan komunidade.

“Iha Baikenu, Fataluku, ne’e hau lakonkorda atu implementa iha eskola, maibe hau nia hanoin implementa uluk tetun iha Timor tomak la’os lian maternal,” dehan komunidade seluk.

“Tamba saida maka tenki implementa lian maternal iha eskola, ho rajaun katak lian tetun de’it to’o ohin loron seidauk los, karik aprende lian maternal diak liu estudante sira aprende mak lian Portugues ho Ingles,” haktuir estudante.

“Preparasaun ne’e halo nusa, kona ba lian maternal ne’e livru de’it mos laiha, professor de’it mos laiha, oinsa mak tenki obriga estudante sira atu aprende lian maternal,” dehan estudante seluk.

Tuir observasaun husi TVTL katak, mairoia estudante no komunidade la konkorda atu implementa lian maternal iha eskola, tamba Timor Leste seidauk iha kondisaun diak.

.