.
Notisia Husi TVTL - Sesta Kalan, 03 Fevereiru 2012
Komunidade Suku Kaikoli husu ba Governu atu hadia baleta no estrada, atu nune’e tempo udan labele hamosu inundasaun iha sira nia bairo.
Ezizensia hirak ne’e hato’o husi komunidade suku Kaikoli, ne’ebe senti hasoru inundasaun tinan-tinan iha sira nia bairo, tamba laiha konstrusaun ba estrada no valeta iha sira nia suku.
Komunidade Kaikoli preokupa tamba wainhira be dalan laiha, iha tempu udan bele hamosu inundasaun ne’ene tama uma laran hodi estraga sasan ne’ebe sira iha.
“Estarada ladiak, be mai tama hotu ami nia uma laran, ami kuru kuaze loron 2 ka 3 mak foin remeta, ami toba mos ladiak, Primeiru Ministru Xanana Gusmao tun mai dala 2 ona hodi hare, maibe sira nunka tau matan, ami povu mak terus hela de’it,” dehan komunidade ho tristeza.
Aliende Suku kaikoli, Eskola 4 setembru mos sofre konsekuensia wainhira udan bot, tamba salas inklui eskritoris profesores nakonu ho be no tahu, tamba ne’e sira husu ba governu atu tau atensaun ba problema ne’e.
.
0 comentários:
Enviar um comentário