Kazu Mal Administrasaun “Inspensaun Jeral Detekta Iha Governu AMP Nia Ukun”

.

Notisia Husi TVTL - Sesta Kalan, 03 Fevereiru 2012

Inspensaun Jeral Konsege detekta kazu mal administrasaun barak akontese iha instituisaun estadu, liliu ba ezekusaun orsamentu durante Governu AMP nia ukun (Tinan 4 nia laran).

Adjuntu Inspektur Jeral hato’o lia hirak ne’e ba Jornalista sira, relasiona ho rejultadu auditoria inspensaun jeral ba instituisaun estadu, liliu linha ministerial.

Francisco hateten, durante hala’o auditoria externa, inspensaun jeral konsege detekta kazu mal administrasaun, liu-liu ezekusaun orsamentu jeral do estadu durante mandatu governasaun AMP.

Durante hala’o servisu, inspensaun jeral rasik sei hasoru difikuldade tamba falta ba rekursus humanus, maske nune’e gabinete inspensaun jeral sei esforsu maka’as atu oinsa bele prevene kazu mal Administrasaun hodi nune’e bele kontribui ba prosesu dezenvolvimentu nasional iha rai laran ho efetivu no efisiente.

.