.
Jornal Timor Post - Segunda, 06 Fevereiru 2012
Atu presta demokrasia iha eleisaun tinan 2012 lao ho diak no Imazen nasaun Timor Leste nia iha mundu diak, Primeiro Ministru xanana Gusmao husu ba kandidatu Prezidenti Republika (KAPREZ) RDTL periode tinan 2012-2017 atu labele sukit malu ho problema tuan durante kampania.
“Durante kampania kaprez sira husu atu hato’o programa servisu ne’ebe iha, labele lori fali kazu tuan-tuan sira mai iha kampania hodi sukit malu, hare ba oin, labele hateke ba kotuk hodi sai hanesan argumentu ba kampania,” hateten PM xanana Gusmao ba jornalista sira foin lalais ne’e relasiona ho KAPREZ nain 14 ne’ebe hatama ona ba tribunal Rekursu.
Nia hateten, durante kampania lideransa ne’ebe sai Kaprez ne’e tenki hatudu ona matoridade politika liu husi kontribui ba estabilidade nasional atu festa demokrasia bele la’o diak liu tan.
“Tenki hatudu Unidade nasional, hakuak ema hotu-hotu atu prosesu kampania Prezidensial bele la’o didiak,” dehan eis Prezidenti Republika ne’e.
.
0 comentários:
Enviar um comentário