.
Notisia Husi TVTL - Tersa Kalan, 31 Janeiru 2012
Ramos Horta ofisialmente hato’o nia rekandidatura ba Prezidenti da Republika periodu 2012-2017, maske nune’e Ramos Horta sei la halo kampania iha baze.
Depois halo konsulta ba entidade tomak, hikus mai Jose Ramos Horta rekandidatu ba Prezidenti da Republika ba periodu tinan 2012-2017, Jose Ramos Horta hateten maske todan maibe nia iha obrigasaun tane povu no nasaun ida ne’e ho responsablidade.
“Se ha uses an deit husi kandidatura, balun bele hateten, hau halai husi hau nia responsablidade, entaun hau hateten, hau nia desizaun mak ida ne’e, hodi deklara hau nia re-kandidatura ba Prezidenti Republika,” dehan Jose Ramos Horta.
Afoin anunsia nia kandidatura, ekipa susesu ne’ebe mai husi distritu 13 entrega dokumentu ba Tribunal Rekursu hodi hetan legalidade.
Maske hetan apoiu husi eleitoral besik rihun atus ida resin, maibe ekipa ne’e intrega deit foto kopias kartaun eleitoral 7.977 ba Tribunal Rekursu.
.
0 comentários:
Enviar um comentário