Horta Husu ONU Kontinua Apoiu Umanitariu “Lu-Olo: Ita Mak Tenki Kaer Rasik Kuda Talin”

.

Jornal INDEPENDENTE - Kinta, 02 Fevereiru 2012

Prezidente Republika Jose Ramos Horta sujere umanitaria Nasoens Unidas bele kontinua iha Timor Letse, Xefe Estadu hato’o sujestaun ne’e iha tersa horsehik hafoin inkontru ho delegasaun ONU ne’ebe xefia husi Diretor Of Asia, Wolgang of Weisbrod Weber no Xefe departementu operasional Peaze Keeping ONU nia iha Palacio PR.

Horta dehan, Governu no Parlamentu foun mai presiza tebes ONU nia apoiu atu tranzisaun bele la’o di’ak.

Delegasaun ONU ne’e, akompania husi Xefi UNMIT, Amerah Haq hodi deskute no avalia situasaun no kondisaun real ba misaun ONU iha TL.

Iha parte seluk, Xefi UNMIT Amerah Haq dehan, maske ONU remata misaun, maibe organizasaun internasional sira hanesan UNDP, UNICEF, UNESCO kontinua iha TL hodi ajuda prosesu dezenvolvimentu ne’ebe TL presiza.

Nia hatutan tan katak, ONU mos iha tempu besik sei intrega patrimonia ba estadu TL.

Iha parte seluk, Presidente Partidu FRETILIN Francisco Guterres Lu-Olo promete, sei garante estabilidade bainhira mandatu UNMIT remata iha fulan dezembru tinan ida ne’e.

Nia dehan, FRETILIN asegura estabilidade nasional hodi hala’o dezenvolvimentu ba nasaun foun ida ne’e, Lu-Olo hato’o kestaun ne’e bainhira hala’o inkontru ho delegasaun ONU, iha sede CCF.

“Normalmente mandatu bele remata, maibe koperasaun bilateral la’o nafatin, haktuir nia.

Tanba ne’e, nia dehan importante tebes iha koperasaun ne’ebe TL sei halo oinsa fo formasaun no treinamentu masimu ba parte seguransa hanesan PNTL ho F-FDTL hodi sai professional liu tan.

“Ita mak tenki kaer rasik kuda talin, hau fiar PNTL harii tinan barak ona hanesan mos F-FDTL, hau fiar, deklara eis gerileiru ne’e.

,