Halakon Osan Partido Mill U$60 “L-7 Ameasa Espulsa Lider UNDERTIM Balun”

.

Jornal INDEPENDENTE - Sesta, 03 Fevereiru 2012

Presidente Partidu UNDERTIM Cornelo Gama ‘L-7’ hatete, iha tempu badak nia parte sei espulsa nia lideransa balun iha partidu laran tanba deskonfia maka’as halakon osan partidu nian ho montante bo’ot.

Foin lalais, vise Prezidente bamkada UNDERTIM iha Parlamentu Nasional deputadu Faustino dos Santos ‘Renan Selak’ informa katak, nia parte hamutuk ho lideransa UNDERTIM sira seluk hato’o ona karta ezijensia ida ba presidente Partidu hodi rejolve problema liliu alakon osan partidu nian husi lideransa balun iha UNDERTIM laran, inklui konsidera mos kongresu nasional ne’ebe UNDERTIM hala’o iha tinan kotuk ne’e nakonu ho manipulasaun.

Situasaun ne’e, L-7 ne’ebe momentu ne’eba eleitu nu’udar Presidenti partidu rekoinese iha duni manipulasaun iha kongresu nasional.

“Hau hatene, kongresu ne’e la’o la los, liliu mak mal gastu iha orsamentu partidu nian,” haktuir atual Presidenti bancada UNDERTIM horsehik iha PN.

Nia hatutan tan katak,” orsamentu tenke intrega hotu, se la’e ami espulsa hotu, sira foti osan mos presidente Partidu lahatene to’o hikus gasta ba saida mos hau lahatene,” lamenta Presidente Partidu ne’e.

Nia rekoinese katak, durante ne’e alende mal gastu ne’ebe akontese, iha mos servisu balun ne’ebe laiha koordenasaun ho Presidente partidu ne’ebe nu’udar responsavel masimu partidu nian.

.