“Governu AMP Rekoinese Inflasaun Boot Iha Timor-Leste”

.

Jornal INDEPENDENTE - Segunda, 06 Fevereiru 2012

Governu Aliansa Maioria Parlamentar (AMP) ne’ebe lidera husi Primeiru Ministru xanana Gusmao rekoinese, inflasaun boot duni iha Timor Leste, tuir realtoriu Fundu Monitorizasaun Internasional (IMF) ne’ebe fo sai.

“Inflasaun bele sa’e maka’as, problema ne’e labele kompara ita ho rai seluk, ami hare ona ba problemas ne’e, tamba ita atu halo kontrolu mais ita seidauk iha kbiit atu kontrola didiak impaktu ne’ebe halo inflasaun,” Rekoinese PM xanana ba jornalista sira sesta liu ba.

PM Xanana Gusmao mos dehan tan,” Hau respeita tebe-tebes relatoriu organizasaun sira ne’e, uluk iha 2008 ita preve ona krizi hahan, ita hasai osan sosa sira mai hakilra hau dehan, labele no tenki fo ba seitor privadu, nofin ita fo tiha hahan ba povu sira dehan, sorte imi fo nune’e hodi redus inflasaun,” nia esplika.

Xefe Governu mos dehan, sujere ba IMF no Banku Mundial diak liu tenki kurizi mos dolar Amerikanu ne’ebe sira iha 14 triliun dividas.

“Se IMF ho Banku Munidal ba kurizi tiha dolar Amerikanu ne’ebe sira iha 14 triliun dividas interna, tamba hau hakompania hela eleisoens primaria republikana iha ne’eba no hau akompania hela situasaun europea horikalan (Kinta kalan) Angela Merika Sancera Alemanha iha Xina husu ajuda sosa netik dividas, hau hanoin IMF redus tiha buat sira ne’e, hau hanoin it abele redus.

Xanana mos dehan tan,” tanba saida maka dolar Amerikanu tu’un, tanba se nia foti, nia lakonsege kria servisu iha Amerika, Amerika agora susar nia tenki hatun ho relasaun osan Xina mos ne’e, tamba problema inflasaun, ne’e problema mundial nian, lalika dehan TL la halo buat ida.

Kona ba moeda TL, xanana dehan,” se ita tenki halo ita nia moeda rasik, seidauk iha tempu karik, tamba inflasaun ne’e la’os ita maka provoka, it abele dehan free market ne’e bosok-bosok malu hela para hatun tiha osan, produtu Xina labele tama, se tama impregu laiha ne’ebe ita bosok malu hela, hau lakohi koalia buat ne’e, tanba hau la’os espor ba ekonomia,” tenik nia.

Xanana mos rekoinese tan katak, nu’udar Xefe Governu nia rasik mos hanoin problema folin sasan ne’ebe sa’e maka’as afeita ba povu kiak labele sosa, tanba imprezariu balun mak manobra nia presu.

.