“Governu AMP Nia Ukun Tinan 4, Malnutrisaun Iha TL Sa’e Ba 3 Lugar Iha Mundu”

.

Jornal INDEPENDENTE - Segunda, 06 Fevereiru 2012

Timor-Leste nu’udar nasaun terseiru lugal iha mundu ba problema mal nutrisaun ho 56% hafoin afganistaun iha fatin primeiru no Yemen iha fatin segundu, ONG Nasional ida hateten.

Diretor ONG Hian Health Rozalia Martins da Cruz dehan, ONG Hian Helath ne’ebe harii iha 2003 ne’e fo ona tratamanetu barak ne’ebe hasoru problema mal nutrisaun.

“Iha tinan 2004 mal nutrisaun iha TL hetan (43%, agora dadauk sa’e ba 56%, ida ne’e relatoriu husi Ministeriu Saude, konta ho mundu karik ita numeru tres (3) iha mundu,” dehan Rozalia, bainhira hetan vizita OPMT ne’ebe hamahon an iha Partidu FRETILIN iha sesta (03/02).

Labarik sira ne’ebe mak hela hamutuk iha sentru Hian Helth mai husi Hospital Nasional Guido Valadares no Hospital Referal sira hotu iha Timor Leste no balun husi inisiativa familia labarik sira rasik,” nia heten.

Nia dehan, iha 2011 total labarik sira ne’ebe mak hetan rehabilitasaun iha sentru ne’e hamutuk 149-feto nain 72 no mane nain 77, maibe feto nain tolu no mane nain ida mate.

Nia hatutan tan katak, Hian Health harii laos halo de’it reabilitasaun ba labarik sira ne’ebe hetan mal nutrisaun, maibe fo mos treinamentu ba inan no aman sira hodi hatene oinsa fo nutrisaun diak ba sira nia oan sira.

.