“Floriana Transfere U$141 Mil Ho Saugate”

.

Jornal Timor Post - Segunda, 06 Fevereiru 2012

Arguidu Floriana de Jesus Lino rekuinhese nia iha garantia domin ho malae Daniel Steven Toma nudar sidadaun Egland hela iha Kapital Laundres katak sira nain rua sei moris hamutuk, mak nia transfere osan ho valor US$141.000,00 hodi fasilita mala’e ne’e, selu ema lori osan durante ne’e no nia rai iha banku mai TL.

Liu husi akuzasaun Ministeriu Publiku hatudu iha loron 13 setembru 2011 arguida naok osan estadu ho valor U$141,000,00 iha Brancas Financas Sekretariadu Estadu Dezesa, hodi transfere ba nia namoradu malae Esteven iha nasaun Egland.

Faktus refere mos prova katak, hahu iha fulan agustu nia laran, maske arguidu la transfere osan loro-loron, maibe dala ruma fulan ida bele transfere osan to’o dala haat ka lima, no loron ida bele trasfere dala rua ka dala tolu ba konta bankaria nian (namoradu nia).

Hafoin rona Juiz Prezidenti kolektiva le sai tia hakuzasaun husi ministeriu publiku, arguidu deside hakarak koalia ba tribunal sobre faktus ne’ebe akuza ba nia, ne’e duni liu husi deklarasaun, arguidu rekoinese faktus tomak ne’ebe Ministeriu Publiku akuza ba nia, los duni, tamba altura ne’eba nia fiar an katak, malae nia namora ne’e sei moris hamutuk ho nia iha loron ruma.

Nia namoradu ne’e mos promete ba nia katak, osan ne’ebe durante ne’e nia servisu intrega hotu ona ba ninia inan no aman, maibe nia inan no aman foin mak mate, nia husu arguidu atu fasilita orsamentu ruma hodi trata dokumentu, atu bele fasilita orsamentu husi bankaria sira nian.

Arguidu nia namorada mos promete katak, karik nia foti ona osan ne’ebe rai iha nia inan aman nia bankaria, mak sei haruka ema lori mai fo arguidu iha TL.

“Tamba domin hau fiar ba nia katak, sei moris ho hau, entaun hau haruka osan ho valor bot hanesan ne’e ba nia, tamba hau fiar liu nia no nia promete katak, osan ne’ebe rai iha nia inan aman nia bankaria sei intrega tomak ba hau,” haktuir nia.

Arguidu ne’ebe servisu nudar ofisial financas iha Sekretariadu Estadu Defeza ne’e deklara liu tan katak, osan ne’ebe haruka ba nia namoradu dala tolu ka dala hat durante fulan ida, ho intesaun atu fasilita selu taxa no delu akomodasaun ba ema ne’ebe sei lori osan mai TL.

Nia rekoinese katak, hahalok ne’ebe nia komete nudar eruo ida, tan ne’e wainhira osan iha bramkas financas mamuk, nia buka meus informa kedas ba financas, hodi husu atu rejolbe lalais problema refere, tamba osan estadu iha brancas mamuk ona, no direor Financas informa tutan ba Diretor geral no Sekretariu Estadu Julio Thomas Pinto. Hikus mai desizaun prosesu liu husi investigasaun, nia tenki kumpri pena prizaun preventiva iha sela Gleno.

Hafoin rona deklarasaun, arguidu, Juiz desidi hadia julgamentu refere ba loron 17 fevereiru 2012 oras tku 09:00 dader, kontinua rona deklarasaun arguidu ho sasin nain rua, no tuir mai julgamentu sei kontinua ba loron 20 fevereiru 2012 hodi rona tan sain nain tolu nia deklarasaun.

.