Estudante Fatuberliu Ezizi Ba Governu “Governu La Tau Matan, Komunidade Fatuberliu Sei La Tuir Eleisaun”

.

Notisia Husi TVTL - Kinta Kalan, 02 Fevereiru 2012

Klibur Estdante Fatuberliu ezizi ba governu atu rejolve difikuldade estrada, falta pesoal saude, ne’ebe povu iha suku Fahi-nean no Kaikasa infrenta.

Estudante sira ne’e mai husi Sub Distritu Fatuberliu Distritu Manufahai, sira aprezenta ezizzensia hirak ne’e iha komprensa da imprensa ne’ebe hala’o iha kampus UNTL, Kaikoli, Dili.

“Ami ezizi ba governu atu reabilita estrada husi Same Vila to’o ba suku fahi-nean to’o liga ba sub distritu Turiskai antes tama ba eleisaun mai, se lae ami estudante sei konsolida ami nia inan aman sei la tuir eleisaun Presidensial no Parlamentar mai,” deklara Porta Vos ne’e.

Sira mos ezizi ba governu atu kontrola implementasaun projeitus iha areas rurais atu garantia kualidade antes tama ba eleisaun jeral.

“Ami husu ba Ministru Infra-estrutura atu kontrola kompania ne’ebe mak kaer projeitu iha area rurais, ne’ebe mak refere liu ba area Suku 3 mak hanesan Suku Bubususu, Suku Fahi-Nean no Suku kaikasa parte aldeia ailalek, laiha kualidade maka estrada, eskola, saniamentu no sede suku, maske governu gasta osan ba projeitu refere,” haklaken Porta Vos ne’e.

Sira hato’o ezizensia hirak ne’e, tamba bazeia ba rejultadu feskiza ne’ebe sira hala’o iha tinan kotuk hatudu katak povu Fatuberliu hasoru problema iha area edukasaun inklui infraestrutura no seluk-seluk tan.

.