Empreza Barak Monu Iha Krizi 2006 “Stetmentu MSS Kontradis Ho Nia Promesa”

.

Jornal Timor Post - Sesta, 03 Fevereiru 2012

Emprezariu lokal konsidera stetimentu Ministra Solidaridade Sosial (MSS) Maria Domingas Fernandes Alves ba media laiha logika, tamba nia stetementu ne’e hatudu kontradisaun boot ho nia promesa ne’ebe koalia ba publiku iha tinan 2006.

Iha tinan 2006 Ministra refere promete ba vitima tomak katak, depois de rekopera uma ne’ebe hetan estragus, governu mos iha hanoin atu

rekopera sasan ne’ebe lakon iha tinan 2006, maibe, realidade hatudu povu kontinua ezizi Ministra foti rajaun seluk hodi responde katak problema IDPs taka ona.

Diretor Kompania Liberty Lorosa’e, Teotonio Giterres Freitas hateten, stetementu Ministra Solidaridade ne’e hatudu momos katak, nia laiha kordenasaun ho diretores no ofisial MSS nian, tan ne’e preokupa deit ba problema IDPs mas realidade hatudu, problema IDPs taka ona iha tinan 2010.

Realdiade ne’e hatudu, negosiante kiik inklui emprezariu ne’ebe nia sasan lakon iha krize 2006 MSS nunka preokupa hodi responde, atu nune’e bele fasilita hikas prosesu negosiu ne’ebe monu durante krise ne’e.

“hau hanoin, tamba krizi 2006 mak Ministra ne’e sa’e hodi tur iha MSS, tuir lolos nia tenki senti an, katak intesaun ne’ebe nia koalia ba publiku ne’e atu taka failansu ne’ebe nia diretor ho staff sira komete konaba hasai resivu bar-barak, hodi halua tiha problema seluk ne’ebe ami vitima sira infrenta,” dehan Teoronio ba Timor Post, Kuarta (2/2) iha Farol horsehik.

Problema krize 2006 afeita ba ema barak sai vitima inklui mos emprezariu barak ne’ebe moris ho loke loza, ofisina, konstrusaun sivil inklui kios sira, no dadus tomak MSS rekoilha ona maibe to’o agora laiha rejultadu.

“Nudar vitima hau hanoin orsamentu ne’ebe hau lakon durante krizi 2006 hamutuk U$1,5 milaun, maibe to’o agora governu nunka fasilita kreditu ruma baa mi hodi kontinua negosiu ba oin,” nia dehan.

Entertantu Ministra Solidaridade Sosial, Maria Domingas ‘Mikato’ deklara ba publiku hodi responde preokupasaun negosiante merkadu Taibesi nia ezizensia katak, governu sei la rekopera sasan ne’ebe lakon, tamba politika governu nia atu rekopera deit uma hela fatin ne’ebe hetan sunu iha krize 2006.

.