Dezenvolvimentu Area Negosiu TL “Emprezariu Indonezia Kontaktu Lu-Olo”

.

Jornal INDEPENDENTE - Segunda, 06 Fevereiru 2012

Kandidatu Prezidenti da Republika Francisco Guterres ‘Lu-Olo’, horsehik halo viazen ba Indonezia hodi kumpri konvite husi emrezariu sira nasaun vizino ne’e hodi hala’o diskusaun kona ba oportunidade halo negosiu iha Timor-Leste iha tempu oin mai.

“Eis Prezidenti Parlamentu Nasional Francisco Guterres ‘Lu-Olo’, halo viazen servisu ba Indonesia hodi hatan ba kombite husi emrezariu husi Indonesia ne’ebe harak reforsa lasu emprezariu entre seitor privadu Indonesia no Timor-Leste no ema seluk tan,” dehan komunikadu imprensa husi edifisiu kampania Lu-Olo ba Prezidenti Republika hateten.

Emprezariu ne’ebe akompania Lu-olo iha vizita ne’e mak hanesan Oscar Lima, Carlito Pereira, Altidi Santos, Lourenco Oliveira no Lorenco Martins.

“Importante tebes ba Lu-Olo atu rona husi maluk sira ne’ebe iha lasu amizade no selu ho Timor-Leste, saida mak sira dezafia no difikuldade ne’ebe sira hasoru, no mos oinsa oportunidade iha futuru bele realiza,” deklara Lu-Olo ho nia asesor Harold Moucho.

Lu-Olo sei fila mai Timor Leste iha sexta-feira, semana ida ne’e.

.