“Deputadu FRETILIN: Lei Rai Nian Kuidadu Didiak Atu Labele Hanean Povu Kiik”

.

Jornal INDEPENDENTE - Segunda, 06 Fevereiru 2012

Deputadu husi bancada FRETILIN, Estanislau da Silva hateten, importante liu husi lei rai nian mak atribuisaun ba titular, rezime tranzitoriu no uzo kapiaun especial.

Tan ne’e, uzo kapiaun especial, deputadu ne’e dehan, presiza kuidadu didiak atu labele hanehan ka halu ema nia direitu liliu povu kiik sira.

“Ne’e bele foe ma nia direitu no bele mos hasai ema nia direitu mais tenki kuidadu didiak atu povu kiik labele sai vitima,” deklara deputadu FRETILIN ne’e.

Tanba ne’e, Estanislau dehan, oras ne’e dadaun iha okupasaun bar-barak ne’ebe importante tebes labele hasai mos ema seluk nia direitu.

“Tanba, nia implikasaun iha artigu rua iha konstituisaun 54 no 171 ne’ebe proteze diretu propiedade,” deklara nia.

Ne’e duni, deputadu FRETILIN ne’e hatutan kona ba kompensasaun tenki haree mos parte tradisaun nian, tamba rai ne’e ema komesa hela husi nia avo sira to’o agora, labele husik deit atu utiliza ba asuntu

seluk.

Ho ida ne’e, Tuir estanislau katak, lei rai ne’e bele rejolve problema maibe, presija tebes iha consensus nasional ida hodi labele hamosu situasaun ka preokupasaun foun ne’ebe konsidera rua hetan benefisiu

hotu.

.