.
Jornal INDEPENDENTE - Kinta, 02 Fevereiru 2012
Deputadu husi Bloku AMP kestiaona kona ba lian maternal ne’ebe oras ne’e dadaun kontinua sai politimika iha komunidade nia lete.
Tuir Vise Prezidenti Bancada ASDT, Deputadu Francisco de Araujo hateten, komesa husi aktu kiik sira, ema hotu presiza kontribui atu povu senti duni dame no paz ne’ebe horas ne’e ema hotu hein hela.
Maibe deputadu husi ASDT ne’e dehan, kauza husi asaun ne’e mosu husi politika lian maternal ne’ebe antes ne’e kuaze entidade tomak kontra.
“Ema ida la halo asaun arbiru, presiza hatudu hahalok diak ba publiku, maibe politika lian maternal ne’e mos labele provoka demais publiku kuandu situasaun la premite duni atu implementa,” deklara nia.
Nia hatutan kauza husi buat hirak ne’e, tamba edukasaun kuaze enfrenta problema boot la'os deit ba lian maternal ne’ebe loloos governu fo prioridade ba asuntu seluk antes implementa lian maternal.
“Ba kazu ne’e rasik, Parlamentu Nasional nu’udar segundu orgaun soberania, Governu la respeita nia desizaun, ne’e hotu afeita ba sentimentu ida,” deklara nia.
Maibe, atu asegura prosesu tomak, deputadu ne’e dehan, importante tebes atu ema hotu tenke respeita malu hodi aselera dezenvolvimentu ho di’ak.
Ba kestaun ne’e deputada Virgina Ana Belo, husi bancada CNRT hatete, situasaun hirak ne’e mosu tamba ema barak utiliza demokrasia liu tiha regra ne’ebe mak iha.
Deputada ne’e hatutan, atu asegura dame no kultura ne’ebe mka iha fila fali mos ba ema ida-idak hodi hatene respeita malu.
“Ita rai latan de’it, ita ho ita mak larespeita malu, entaun ema seluk iha rai liur la respeita liu tan,” lamenta nia.
.
0 comentários:
Enviar um comentário