.
Jornal INDEPENDENTE - Sesta, 03 Fevereiru 2012
Maioria Deputadu husi opozisaun FRETILIN iha Parlamentu Nasional preokupa maka’as ba proposta lei rai nian, liliu iha artigu balun ne’ebe tuir sir abele hasai diretu povu kiik hodi hetan rai pedasku ida tuir konstituisaun haruka.
Kinta horseik Parlamentu Nasional (PN) hahu deskute ona proposta lei rai nian ne’ebe antes ne’e kuaze fulan ida Komisaun A hala’o diskusaun iha sub Distritu maubara distritu Likisa.
Antes tama ba diskusaun mosu kontra maka’as husi Bancada FRETILIN ne’ebe husu atu hadia deskusaun lei ne’e ho razaun katak oras ne’e dadaun seidauk iha planu urbanizasaun liliu iha kapital Dili.
Tanba tuir sira katak, bainhira seidauk iha planu urbanizasaun, lei rai nian ne’e bele hasai diretu povu kiik hodi okupa rai ida.
Deputadu Cipriana Pereira husi bancada FRETILIN hatete, lolos presija halo konsultasaun klean, liliu ba povu kiik sira atu halo diskusaun no aprovasaun tamba sei falta barak hodi asegura lolos diretu povu nian.
“Ita hotu nuudar reprejetante povu, reprejetante partidu, ba asuntu ne’e oinsa mak lori interese nasional no fo diretu lolos ba povu kiik sira, la;os ema riku ka boot deit mak okupa rai,” deklara nia iha plenaria horsehik.
Deklarasaun hanesan mos husi Joaquim dos santos, katak povu sei hirus PN tanba halo lei ida ne’ebe kontra fali povu nia diretu tuir konstituisaun.
“Iha provas barak mak parlamentu entidades barak hakilar beibeik, hanesan kazu Suai, inklui Dili rasik governu seidauk defini planu urbanizasaun ne’eduni presiza buka solusaun ne’ebe justu,” deklara nia.
Entertantu Prezidenti Komisaun A PN, deputada Fernanda Borges hatete, lei direitu titularidade halo ona konsultasaun barak ho povu, maibe iha mudansa barak ne’ebe povu seidauk hatene, tamba ne’e presija tau atensaun didiak, se lae povu mak sei sai vitima.
“Povu lahatene, hasai rai husi povu ne’e justu ka lae? ne’e ita seidauk konsultasaun barak,” deklara Presidente Bankada PUN ne’e.
Ho lamentasaun barak husi deputadus sira antes tama ba deskusaun ne’e, meza desidi hodi halo votasaun, ikus mai konsege deside hodi halo debate.
.
0 comentários:
Enviar um comentário