Timor-Oan Tenki Tau Aas Paz Nó Estabilidade

.

SAPO TL ho STL - 05 de Dezembro de 2011

Timor-oan hotu iha Timor-leste no iha estrajeiru tenki tau Aas pas nó estabilidade liu buat hotu maske deferensia hanoin, hahalok, nó partidu tamba hamutuk mak bele harii dezenvolvimentu iha rai laran.

Lia hirak ne’e hato’o husi Deputadu Bankada FRETILIN, Estanislao da Silva katak timor-oan hotu tenki servisu hamutuk lalika interese partidu A ka B maibé tenki ho hanoin ida de’it, hanoin ba pas nó estabilidade Aas liu buat hotu-hotu.

“Timor-oan hotu tenki servisu hamutuk la interese partidu A ka B, ita tenki iha hanoin ida de’it hanoin mak pas ho estabilidade Aas liu buat hotu-hotu, pas no estabilidade buat ida ne’ebé mak boot liu,” dehan Deputadu Estanislao da Silva ba STL Sesta (02/12) iha Sentru Konvensaun Dili.

Deputadu ne’e hatutan, FRETILIN eduka nia militante sira atu labele halo violénsia, iha konsolidasaun nia laran, FRETILIN ko’alia bei-beik katak, labele utiliza violénsia,tenki moris ho dame maske hanoin lahanesan,diferensia polítika.

Iha fatin seluk Prezidente Republika (PR) José Ramos Horta hateten, Partidu Polítika (PARPOL) hotu iha Timor-leste hare Domokrasia hanesan football tamba imformasaun ne’ebé ulun-boot partidu fo sai la to’o iha baze.

“Ita tenki hametin dame, domin, unidade iha nasaun ne’e maibé dala ruma iha baze, ita-boot sira hare demokrasia hanesan footboll, demokrasia multi partidarismu la’os football, ha’u hetete la’os ita-boot PD sira de’it maibé partidu hotu-hotu,” dehan prezidente Republika, José Ramos Horta.

.