.
CJITL - Kuarta-Feira, 7 husi Dezembru 2011
Segunda feira lalais ne'e (5/12) kandidatu independente ba Prezidente Republika, Taur Matan Ruak hakat an to'o Sub Distritu Atauro, Distritu Dili hodi halo kampanye prezidensial.
Maske kalendariu eleitoral ba kampanye seidauk fo sai husi Comisaun Nasional Eleisaun - CNE maibe Taur Matan Ruak kontinua halo nia kampanye.
Taur iha diskursu ba apoiantes iha Atauro vila, hateten katak oras ne'e dadaun se mak uluk no lalais nia mak sei hetan.
"Ema balun dehan, kalendariu seidauk fo sai, maibe kandidatu balun hahu ona kampanye, hau hakarak hatan katak tempu hanesan agora, se mak uluk nia sei hetan" Taur hateten.
Durante diskursu, Taur fo korajen ba povu Atauro atu kontinua fo an ba dezenvolve nasaun ne'e hanesan apoiu ne'e Atauro oan fo tiha ona iha durante prosesu luta ba libertasaun. (Marcelino Pereira/CJITL)
.
0 comentários:
Enviar um comentário