Sekjer FRETILIN Mari Alkatiri “Tenki Aforsa Partisipasaun Feto Iha Vida Politika”

.

Notisia Husi TVTL - Kuarta, 07 Dezembru 2011

Maske hasoru ostaklu barak maibe partisipasaun feto iha vida politika fo vantazen pozitivu, Sekretariu Jeral FRETILIN Mari Alkatiri fo sai dekalrasaun ne’e, wainhira partisipa iha konferensia nasional ne’ebe realija husi organizasaun KAUKUS deurante loron 2 iha Delta Nova, Dili.

Konferensia Nasional ba loron 2 kona ba hakbiit lideransa feto no partisipasaun iha eleisaun tinan 2012 importante atu aumenta kapasidade feto.

“Hau hanoin konferensia sira ne’e importante, tenki kontinua, la’os iha Dili deit, maibe halo mos iha foho liliu distritu sira, para ita bele halo edukasaun politika, sivika ba asuntu esfesifiku sora ne’e,” dehan Mari Alkatiri.

Sekretariu Jeral FRETILIN Mari Alkatiri akresenta katak, Partisipasaun feto iha vida politika hatudu ona kualidade ne’ebe diak, tamba ne’e feto joven sira tenki partisipa iha partidu politiku atu haburas demokrasia.

.