Sekjer FRETILIN Mari Alkatiri “FRETILIN Hametin Paz, Estabilidade Hodi Hasai Povu Husi Kiak No Mukit”

.

Notisia Husi TVTL - Tersa, 06 Dezembru 2011

Partidu FRETILIN garante manan iha eleisaun Jeral tinan oin, kestaun ne’e fo sai husi Sekertariu Jeral FRETILIN Mari Alkatiri iha seksaun esklaresementu iha Sub Distritu Watu-karbau, Distritu Viqueque.

Objetivu ho situasaun esklaresementu Partidu FRETILIN iha domingo foin lalais, hodi hametin estrutura iha baze hodi hasoru eleisaun Jeral tinan oin, Sekretariu Jeral FRETILIN hateten, FRETILIN garante sei manan iha eleisaun Jeral tinan oin, Mari Alkatiri hateten, FRETILIN sei fo liu prioridade hodi hasai povu husi kiak no mukit nia laran.

“Primeiru, FRETILIN oinsa Garante paz, estabilidade durante eleisaun e depois de eleisaun, segundu, atu manan, atu manan duni iha 2012, se iha rai ida ne’e ema kiak barak, tantu halo nusa mak atu hamenus kiak, ida ne’e mak FRETILIN nia luta,” Afirma Mari Alkatiri.

Kordenador FRETILIN Sub Distritu Watu-Karbau hateten, sei kordena ho estrutura hodi habelar programa Partidu hodi manan iha eleisaun 2012 mai.

Eventu ne’e hetan partisipasaun husi militante no apoiantes masimu iha Sub Distritu Watu-karbau.

.