Rekoinese Failansu: Enerjia Eletrisidade Hera ”Seidauk Kobre Dili Laran Tomak”

.

Jornal Nacional Diario - Kinta, 15 Dezembru 2011

Enerjia Eletricidade husi Central Eletrika Hera nian, ne’ebe inagura ofisialmente ona iha loron 27 Novembru, foin lalais ne’e, seidauk bele kobre Dili laran tomak, tamba instalasaun seidauk finaliza.

Manager produsaun EDTL Comoro, Antonio Soares informa, agora dadak konsumidor eletrisidade iha Dili laran, balun deit mak foin uza enerjia eletrisidade husi Central Hera, tamba instalasaun sei lao namanas hela.

Tuir tekniku sira katak, fider rua ne’ebe mak fornese enerjia eletricidade ba populasaun iha Dili laran ne’e mai husi funsionamentu gerador ida ne’ebe mak naran fider neen ho fider tolu nebe hamutuk fider rua deit no tekniku sira sei halo hela namanas instalasaun fiun hodi liga ba sentral Hera.

“Enerjia mai husi Hera, ne’e laiha problema tama mai, so ke problema mak ita nia ekipamentu sira ne’e ladun iha kualidade, atu simu enerjia ne’ebe forte, tanba iha serkuit iha kedas detensaun gabus naben,” Antonio informa ba JNDiario iha nia servisu fatin (13/12).

Antonio esklarese tan katak, durante ne’e iha fatin balun ne’ebeeletricidade sei mate, diak ida moris, ne’e tamba sei simu enerjia eletriscidade husi Comoro.

.