.
Jornal Timor Post - Kuarta, 14 Dezembru 2011
Komunidade sira husi Suku Seloi, Distritu Aileu halerik ba bee moos no ahi, Aldeia lima husi suku refere, Aldeia rua mak hetan ona bee moos no aldeia tolu mak seidauk hetan bee-moos.
Lia hirak ne’e hato’o husi Xefe Aldeia Talifurleu Marcelo Nasimento ba Jornalista, Kinta (12/12) iha nia hela fatin.
“Ami iha ne’e triste tebes mak bee moos ho ahi, tamba bainhira ami halo lia ruma ou ema mate ami sempre lori bote no jerken mak lalin bee husi mota kuak no mos empresta deit ema nia gerador bainhira iha mate ruma tamba eletrisidade baa mi laiha, tamba ne’e husu ba governu atu tau matan netik baa mi ne’ebe hela iha area rural,” tenik Marcelo.
Iha fatin hanesan komunidade Francisco da Costa Pinto iha fatin refere dehan, difikuldade barak mak sira hasoru hanesan estrada aat, ahi seidauk tama komunidade nia uma, entaun ba sira lasenti dezenvolvimentu iha sira nia suku.
Tuir sira, wainhira komunidadi sira atu halo lia ruma sempre husu ajuda husi Bombeiros no selu U$1.25 dola mak bele hetan bee moos.
.
0 comentários:
Enviar um comentário