.
Notisia Husi TVTL - Tersa, 06 Dezembru 2011
Diretora Eskola Publiku Farol aseita ho planu Ministeriu Edukasaun ba implementasaun nove anos eskolaridade, maibe falta salas de aulas sai nu’udar preokupasaun ne’ebe eskola infrenta.
Irene Morato lamenta ho kondisaun eskola farol, tamba laiha salas de aula ne’ebe sufisiente, falta biblioteka, haris fatin atu bele koresponde no fasilita estudante sira iha prosesu apredizazen.
“Difikuldade tamba sala ne’e iha 8 deit, agora atu simu tan setimu ano, ne’e sala la to’o no ami sei fahe ba turma 3 e prosesu aprendizazen klase balun sei la’o to’o tuku 7 kalan,” dehan Diretora Irene.
Diretora ne’e hateten, sira aseita planu ne’ebe Minsteriu Edukasaun halo, maibe falta salas de aula sai preokupasaun bot ba sira, tamba falta salas de aulas mos professor no alunus sira uza sala profesores hodi tuir kursu komputador no kursu muzika.
Eskola refere iha deit sala 8 hodi hanorin alunus ho total 1163 (rihun ida atus ida nen nolu resin tolu).
.
0 comentários:
Enviar um comentário