Programa MAP Failla “Komunidade Rairobo Ezizi Governu Hodi Hadia Irigasaun”

.

Notisia Husi TVTL - Kuarta, 07 Dezembru 2011

Administrador Sub Distritu Atabae afirma, iha tinan ida ne’e produsaun hare iha distritu Bobonaro menus tamba problema irigasaun ne’ebe Ministeriu Agrikultura la tau matan to’o agora, tamba ne’e nia husu ba MAP atu fo atensaun ba programa irigasaun ne’ebe difikuluta dezenvolvimentu agrikultor iha baze.

Administrador Sub Distritu Atabae Sidonio fontes hato’o kestaun ne’e hafoin simu delegasaun Ministras das Financas iha Suku Airobo, administrador ne’e hateten, tinan ida ne’e produsaun hare ne’ebe agrikultor sira produs menus, tamba hasoru problema irigasaun ne’ebe fo fornese bee ba natar la sufisiente, tamba ne’e nia ezizi ba ministeriu ne’ebe kompotente atu tau atensaun ba kestaun ne’e.

“Kona ba irigasaun, nia kondisaun la diak, tamba irigasaun ne’e hadia iha tempo Indonesia to’o agora Governu la tau matan, tamba ne’e ami husu atu hadia lalais,” dehan Administrador Sub Distritu.

Difikuldade seluk ne’ebe mak komunidade sub Distritu Rairobo infrenta, konaba eletrisidade, tamba to’o oras ne’e seidauk hetan lina transmisaun ne’ebe sei hein ba segundu faze.

Aliende ida ne’e, komunidade sira mos ezizi ba Ministra das Financas atu hato’o iha konselhu Ministru atu harii eskola teknika hodi hetan ajuda, liliu estudante sira ne’ebe inan aman laiha kapasidade ekonomiku.

.