Programa MAP Faila “MAP La Preparadu Apoiu Agrikultor FAO Fo Ajuda Fini Aat”

.

Jornal INDEPENDENTE - Segunda, 05 Dezembru 2011

Governu liu-liu Ministeriu Agrikultura no Peskas (MAP) sempre kampania maka’as atu hasae produsaun agrikula, maibe MAP rasik la prepara sufisiente fini hodi apoiu agrikultor sira.

Iha tinan ne’e, Ministeriu Agrikultura laiha fini sufisiente atu distribui ba povu agrikultor iha territoriu Timor Leste tomak, tanba orsamentu la sufisiente.

Ba kestaun ne’e, Ministru Agrikultura e Peskas rekoinese katak, prosesu distribuisaun fini ba agrikultor sira seidauk hetan fini tamba fini ne’ebe MAP prepara la sufisiente.

Asanami mos rekoinese tan katak, foin dadauk Food Agriculture Organizasaun (FAO) apoiu fini baMinisteriu Agrikultura, maibe fini sira ne’e liu ona prazu, tamba ne’e, Governu la distribui ba povu agrikultor sira.

.