Problema Internal ”Made: Ameasa Taka Banku Mandiri”

.

Jornal Timor Post - Kuarta, 14 Dezembru 2011 - Tradusaun notisia ida ne'e husi Lingua Indonesia ba Tetun husi: Marcos Gusmão

Problema internal ne’ebe mosu iha Banku Mandiri hikus-hikus ne’e, sai preokupasaun ba komunidade nia leet, liliu komunidadi sira ne’ebe tau osan iha Banku refere. Problema ne’e mosu tamba, parte manajer Banku Mandiri foti desizaun hodi hasai ka fo espulsa (Skorsing) ba funsionariu ne’ebe suporta asaun greve (mogok kerja).

Ba kestaun ne’e, parte husi Manajer Banku Mandiri hateten, se karik funsionariu sira halo asaun greve (mogok kerja), parte Banku Mandiri sei foti desijaun hodi taka Banku Mandiri, Dili, Timor Leste.

“Se karik asaun greve (mogok kerja) akontese, ya, ami sei taka Banku Mandiri no ami sei esplika ba inan aman sira ne’ebe tau osan iha Banku ne’e katak, deskupla, ida ne’e mak kondisaun Banku Mandiri Dili,” espresa Manajer Operasaun Banku Mandiri Dili, Timor Leste, I Made Tirta ba Timor Post, Sesta (09/12).

Maske Made ameasa hodi taka Banku Mandiri Dili ba komunidade ne’ebe tau osan iha Banku Mandiri, maibe, funsionariu sira ne’ebe servisu iha Banku refere sei konsisten hodi halo asaun greve (Mogok kerja) iha semana oin.

Ba kestaun ne’e, Guvernador Banku Sentral Timor Leste, Abrao Vasconchelo fo ultimatu (memperingatkan) ba Manajemen Banku Mandiri atu kontinua hala’o aktividade loro-loron hanesan baibain.

“Lia menon husi Banku Sentral Timor Leste ba Manajemen Banku Manidiri Dili, hodi fo nafatin vontade servisu ba komunidade no labele hapara servisu,” katak Abrao ba Timor Post, Tersa-feira (13/12) iha Dili.

Tamba husi nia parte simu ona karta asaun greve (mogok kerja) husi parte “Serikat Pekerja Banku Mandiri Dili, Timor Leste (SP-BMDTL).

“Se kuandu operasaun Banku Mandiri hapara (tutup), ami sei foti desijaun tuir regras (aturan) Banku Sentral Timor Leste,” dehan tan Abrao Vasconselho.

Parte Banku sentral Timor Leste mos fo presaun seriu ba Manajementu Banku Komersiu ne’ebe hatudu katak alakon komunidadi nia osan ne’ebe rai iha Banku refere.

“Ami sei la hare, nia atu husi funsionariu baibain ka, lideransa ka no ba se-se deit mos, kuandu iha evidensia ruma ne’ebe forte hodi halakon osan komunidadi nia husi rekinin, ami sei hasai husi nia funsaun no sei prosesa tuir lei ne’ebe mak vigora iha Timor Leste,” dehan tan Abrao Vasconselho.

Kona ba Problema interna ne’ebe mosu iha Banku Mandiri, Governu Sentral Banku Timor Leste, Abrao Vasconselho rekoinese katak, foin lalais ne’e husi sira nia parte simu ona karta eskrita husi SP-BMDTL no sira seidauk hetan informasaun klaru husi Manajementu Banku Mandiri Dili.

“Ami fiar, sei iha solusaun hodi rejolve problema internal Banku Mandiri,” esplika Abrao.

Iha parte seluk, Reprejetante Povu iha uma fukun Parlamentu Nasional Timor Leste, deputadu Aderito Hugo da Costa fo ultimatu (Memperingatkan) manajementu Banku Mandiri atu hala’o nafatin aktivida hanesan baibain ba komunidadi sira iha Timor Leste.

“Banku Mandiri mos tenki fo jaminan seguransa ba osan ne’ebe komunidadi rai iha Banku refere, tamba ami rona husi komunidadi ne’ebe rai osan iha Banku refere katak, osan barak mak lakon husi sira nia rekening, tamba parte husi manajemen Banku Mandiri ladun iha jaminan seguransa ba osan sira ne’ebe komunidadi rai iha Banku refere,” dehan Aderito Hugo da Costa husi Partidu CNRT.

Iha parte ketak, parte husi (sekretaris Negara Urusan Ketenaga Kerjaan Timor Leste), kuarta (14/12), buka dalan hodi halo negosiasaun ho Manajemen Banku Mandiri Dili no funsionariu ne’ebe hasai ona husi servisu, liu husi Muhamad Yani (General Manajer Banku Mandiri Dili) maibe nia sei iha Jakarta, Indonesia.

Antes ne’e mos, iha sesta-feira (09/12), parte husi SP-BMDTL fo ona surat koinesmentu asaun greve ba General Manjer Banku Mandiri Dili, Muhamad Yani,

Surat ne’e haruka mos ba Banku Mandiri Office iha Jakarat, Kanwil XI Denpasar-Bali, Banku Cnetral Timor Leste, Parlamentu Nasional RDTL, Presidenti RDTL, PDHJ RDTL, Depnaker RDTL, Reprejetante KBRI iha Dili no Klibur Sindikatu Trabalhadores Timor Leste (KSTL).

.