.
Jornal Nacional Diario - Kinta-Feira, 01 Novembru 2011
Xefi Estadu Maior F-FDTL, Maijor jeneral Lere Anan Timor hateten katak, ho krime ne’ebe mak oras ne’e sempre akontese iha Dili laran, sei la fo impkatu ba eleisaun Geral 2012.
“Krime sei la fo impaktu ba iha eleisaun geral 2012, enkuantu ita ninia politiku ukun nain sira tur hakmatek, ulun malirin ho matoridade ho responsablidade, ho nasionalizmu,” dehan Lere, Kuarta (30/11) iha Kuartel jeral F-FDTL Tacitolu, Dili.
Lere Anan Timur haktuir krime ne’e mosu iha mundu tomak, la’os iha Timor deit,” Ita tenki kompara, purke ne’e ligadu na krimi entaun tribunal maka tenki deside,” dehan Lere Anan Timor.
Lere Anan Timor afirma tan, krime sira beik, porque ema kriminozu haruka ba Becora ne’eba, sira dadersan hader kuandu la hemu susuben ho paun sira halo protesta.
“Hau mak Primeiru Ministru haruka kriminoju sira ba halo to’os no natar iha welaluhu, distritu Manufahi, o kriminozu ona ho tenki terus, maromak deit bele kasigu ema sala nain ba infernu, nusa mak ita Timor hare ema kriminozu ba hamaus-hamaus hela deit, hau hanoin katak, ida ne’e lalos,” afirma Lere Anan Timor.
Tanba ne’e Lere husu ba Governu tenki foti medidas seluk hodi evita krimi iha rai laran.
“Iha forsa defeza mos hanesan ne’e, hau tenki hare hau nia forsa sira, halo nusa mak nia tenki sai sidadaun diak, sai ema displinar ho responsablidade I iha ema seluk bele respeita nia,” tenik Lere Anan Timur.
.
0 comentários:
Enviar um comentário