.
Jornal Timor Post - Kinta, 15 Dezembru 2011
Energia Eletrisidade distritu Manufahi, sai preokupasaun boot no fo impaktu ba nesesidade povu ninian, i halo povu hotu deskontenti ho energia refere.
“Mezmuke guvernu suporta liu tan gerador boot ida ba EDTL distritu Manufahi, maibe fornesementu energia eletrisidade ne’e kontinua halo rotasaun kada Bairo, kalan ida mate no kalan ida moris, situasaun ne’e afeitadu tebes ba komunidade no estudante sira,” dehan Komunidade Fernando da Costa ba Diario ne’e, Segunda, (28/12).
Nia dehan tan, kestaun fornesementu ne’e energia ne’e sempre beibeik ona hetan failansu, povu mos deskontenti los ba fornesementu energia ne’e, ida ne’e ita haree momos teknik sira laiha kapasidade ne’ebe klean, hodi halo operasaun ba ekipamentu refere.
Julito da Silva nudar Joventude preokupa, durante ne’e deskontenti los ho ahi ne’ebe mak mate lakan, no ami apela beibeik ona ba sira, maibe to’o agora laiha solusaun nebe diak atu responde ba preokupasaun povu nian.
Hatan ba kestaun ne’e, Xefe Logistica EDTL distritu Manufahi, Emilio G Soares iha nia knar fatin, esklarese, hanesan rotasaun energia eletrisidadi ne’e hare ba gerador ne’ebe durante ne’e sei hadia no gerador ida ne’ebe suporta mai ne’e, seidauk halo instalasaun, entaun ita augenta lai ho ahi ne’ebe lakan rotasaun.
.
0 comentários:
Enviar um comentário