.
Jornal Timor Post - Segunda, 05 Dezembru 2011
Konsumidores Energia Eletricidade iha Distritu Covalima deskontente tamba durante fulan ida resin ona EDTL Suai la lakan tanba ne’e komunidade sira moris iha nakukun laran.
Ho informasaun ida ne’e, nudar povu kiik husu ba governu liliu ba PM Xanana Gusmao atu bele haree lalais ba kestaun eletrisidade iha Suai, tanba durante fulan ida resin ona maka povu tur iha nakukun laran.
Lia hirak ne’e hato’o husi komunidade kbiit laek iha distritu Suai, Alexandre Amaral ba Timor Post, nia hatutan, estudante iha distritu Covalima preokupa ho energia eletrisidade ne’ebe sempre hetan failansu ou lakan mate, tamba halo estudante sira estuda mos ladiak iha tempu kalan.
Iha parte seluk, lamentasaun mos husi komunidade balun ne’ebe hela iha Suku Debos, ne’ebe lakohi temi ninia identidade ba iha Diario ne’e katak, hare baa hi ne’ebe mate hela deit, ami haree funsionariu EDTL sira halo ona manipulasaun ba mina iha tempu kalan.
Nudar povu kiik ida, husu ba EDTL nasional tenke halo kontrola mos to’o iha EDTL distritu tanba dala barak ona mak funsionariu sira halo buat at ida hanesan ne’e ba povu kbit laek sira.
Nune’e mos nu’udar povu kiik husu ba PM Xanana Gusmao atu bele hare liu ba iha EDTL ne’e, tamba sa mak ahi ne’e mate hela deit, tanba tuir ami nia hare katak, wainhira ahi kuandu mate, parte EDTL suai dehan mina mak laiha, maibe wainhira mina mai ona, foin mak lakan kalan ida ka rua deit ahi ne’e mate fila fali, bele mate to’o semana rua ou liu tan.
Molok notisia ne’e hatun, parte Jornalista Timor Post seidauk halo konfirmasaun ba parte EDTL Distritu Covalima, tamba Xefe EDTL Laiha iha fatin.
.
0 comentários:
Enviar um comentário