Problema Banku Mandiri “Hasai Funsionariu Banku Mandiri Tamba Falsifika Dokumentus”

.

Notisia Husi TVTL - Sesta-feira 16 Dezembru 2011

Banku Mandiri Indonesia iha Timor Leste foti desizaun hodi hasai funsionariu nain 2 tamba razaun indisplinar no falta de kapasidade, tamba ne’e Manajer Banku Mandiri afirma sei laiha tan oportunidade ba sira atu fila ba servisu hanesan funsionariu iha Banku mandiri.

Instituisaun Banku Mandiri iha lei no ordem internal tamba ne’e funsionariu ne’ebe la kumpri sei simu konsekuensia hodi simu suspensaun.

“Iha fatin ne’ebe deit ita servisu tuir regras, maske servisu iha Governu ka swasta tenki lao tuir regras,” dehan Manajer Banku Mandiri.

Antes foti desijaun hodi suspende funsionariu sira ne’ebe servisu indisplinar, husi parte Banku Mandiri foti ona medida hodi fo salariu hanesan kompensasaun durante tinan ida rua, maibe funsionariu sira ne’e la konkorda ho desizaun husi autoridade Bankaria.

Dirijente Jeral Banku Mandiri fo ona karta camada atensaun iskrita no verval, maibe funsionariu ne’ebe hetan suspensaun la halo intrupertasaun ba nia sala, husi funsionariu nain 3 ne’ebe hodi organiza komprensa da imprensa ne’e, nain 2 hetan ona suspensaun no ida seluk sei iha oportunidadi atu bele fila ba servisu hanesan baibain.

Amiasa atu mobiliza funsionariu ne’ebe sei ativu hodi halo greve sei la akontese, tamba tuir Muhamat Yani katak, funsionari ne’ebe hetan suspensaun ne’e halo falsifika dokumentus, oras ne’e dadaun funsionariu Banku Mandiri kontinua hala’o sira nia kna’ar hanesan baibain.

.