PR Ramos Horta Reafirma “FRETILIN Kritika Hau Presidenti AMP Nian”

.

Jornal Nacional Diario - Sesta-Feira, 02 Novembru 2011

Presidente Republika Jose Ramos Horta hateten, durante ne’e nia mos simu kritika husi Partidu FRETILIN hodi hateten, nia Presidente ba bloku Aliansa Maioria Parlamentar (AMP), ne’ebe lidera husi Primeiru Ministru Xanana Gusmao, tanba halo tuir deit Primeiru Ministru nia hakarak.

“Hau nudar Presidente Republika dala ruma hau simu kritika mai husi maun alin FRETILIN hatnba hateten, hau ne’e Presidente ba AMP e atende deit ba maun Xanana,” afirma PR Horta iha segundu kongresu PD, Kinta (1/12), iha GMT Dili.

PR Horat mos koalia katak, lei ka buat ne’ebe mai husi AMP no buat ne’ebe mai husi maun Xanana, nia taka deit nia matan, nia asina deit.

“Maibe kuandu, hau hatudu rekoinesementu katak, FRETILIN mos kontribui ba dame i kuandu hau hateten nune’e, AMP hatete ona, ne’e nia sadere ona ba nia Kamarada Mari Alkatiri,” koalia PR Horta.

Ba kestaun ne’e, nia hateten,” Se mak tama iha vida politika, ita tenki simu kritika, bele mai husi jornal sira hakerek buat oioin, ita simu deit, mesmu ita hatene kritika ne’e sala, tanba se ita estadu no governu bele halo sala oioin, ita mos aprende, mesmu jornal bobot iha mundu ne’e hakerek sala, ne’e duni ita hotu tenki hamutuk fo kontribui ba paz nasaun nia,” tenik PR Horta.

.