.
Jornal Nacional Diario - Sesta-feira, 16 Dezembru 2011
Presidenti da Republika (PR) Jose Ramos Horta koalia konaba dezenvolvimentu ne’ebe Governu Aliansa Maioria Parlamentar (AMP) hala’o, liliu iha area edukasaun, saude no agrikultura katak, hare ba edukasaun besik tama ona 2012, maibe estudante balun iha eskola area rurais sei tur nafatin iha rai, nia parte preokupa tebes situasaun ida ne’e.
PR Horta sublinha, nia parte preokupa maka’as liu mak tinan-tinan, osan ne’ebe aloka ba edukasaun ne’ebe bot, maibe, tamba saida mak estudante sira sei tur nafatin iha rai hodi halo estudu.
“Hau la kompriende ba situasaun sira ne’e kontinua mosu, karik, governu hare prioridade balun la dun los karik, por zemplo se ita hakarak miloria edukasaun, ita tenki hadia eskola, i eskola sira tenki iha bee mos no kadeira,” hateten PR Horta ba Jornalista sira, Kuarta (14/12), iha Centro Convensaun Dili, bainhira husu kona ba dezenvolvimentu iha Governasaun AMP nia ukun 2011 nia laran.
PR Horta haklaken,” Ita mos loloos bele hasai orsamentu husi infraestrutura nian para halo eskola, tanba eskola mos parte husi infraestrutura, maibe ita hare ba orsamentu edukasaun, saude no agrikultura, sei la liga ho aitem sira seluk, ne’e badak,” katak PR Horta.
.
0 comentários:
Enviar um comentário