.
Jornal Nacional Diario - Tersa, 13 Dezembru 2011
Presidente Republika, Jose Ramos Horta hatete nia sei lakohi fo indultu ba prizioneiru sira nebe tama prizaun tanba komete kazu violensia domestika no violasaun krime seksual.
“Buat ida indultu ke hau fo ne’e hau hateten kedas ona, violensia domestika agravadu, violasaun krime sexsual, sira ne’e hau hateten kedas, lalika haruka mai hau atu fo indultu,” hateten PR Horta, segunda (12/12) iha Palacio Prezidensial Aitarak Laran.
Maske Ministra Justisa, Lucia Lobatu iha komemorasaun loron Diretus Humanus dia 10 Dezembru ne’e hateten ona katak Ministeriu Justisa sei haruka lista prisioneiru sira ne’ebe atu hetan indultu ne’e ba Presidenti Republika, maibe PR rasik to’o segunda (12/12) horseik seidauk simu dekomendasaun husi governu.
Xefe Estado ne’e mos dehan tan katak, atu fo indultu ba prisionerius iha loron Natal tinan ne’e Estadu sei hein rekomendasaun husi parte governu nian.
“Tinan ida ne’e hau seidauk simu rekomendasaun ruma, hau bele hare para rekomendasaun mai husi Ministeriu Justica, mai husi Governu mak ita haree tok,” hateten Ramos Horta.
Iha komemorasaun loron diretus humanus Ministra da Justica Lucia Lobato hatete ona Prisioneiru kuaze 100 resin mak sei hetan indultu husi Presidente Republika iha loron bot natal mai ne’e.
Inisiativa fo indultu ba prisioneiru sira ne’e mai husi gabinete PR nian mak husu atu fo indultu ba prizioneiru sira ne’e iha loron bot natal ne’e.
“Hau simu karta ida husi gabunete Prezidenti da Republika husu naran rekursu sira nia ba gabinete Prezidenti da Republika ninian karik atu fo indultu ba iha loron bot natal ba iha ita ninia prizioneiru sira ne’ebe agora dadaun kumpri hela sentensa iha tribunal,” Koalia Ministra Justica Lucia Lobatu.
Husi karta ne’e rasik Ministra Lucia Lobatu fo ona instrusaun ba diretora servisu prizionais atu prepara lista kumpleitu husi rekursu sira e depois kuandu pronto sei hato’o ba gabinete Primeiru Ministru hodi bele haruka ba gabinete Prezidenti da Republika.
.
0 comentários:
Enviar um comentário