“PR Horta: Hirus Governu AMP”

.

Jornal Timor Post - Sabadu, 03 Dezembru 2011

Prezidenti Republika Jose Ramos Horta hirus no fo kulpa ba Governu Aliansa Maioria Parlamentar (AMP) tanba durante ne’e la tau matan ba kondisaun moris difisiente sira.

”Durante ne’e Governu kria komisaun barak hodi fo atensaun ba problema difisiente (alezadu) sira, maibe realidade ohin ita haree sira sei kontinua preokupa ho sira nia moris,” Horta dehan ba jornalista sira iha jardin 5 de maiu Kolmera, Sesta, (02/12, bainhira selebra loron difisienti.

Hanesan sidadaun, tuir Horta, difisienti sira mos iha direitu hanesan ho ema normal.

”Hau senti triste no hirus tamba Governu la dun preokupa hodi trata sira nia moris liu husi orsamentu ne’ebe ho montante bo’ot, tamba ne’e, hau husu ba governu no komisaun ne’ebe forma ona, ba oin tenke tau matan ba maluk sira difesente ba dezenvolvimentu.

Selebrasaun loron mundial difisiente neébe hala’o iha sesta ho topiku,” Kria Mundu Ne’ebe Diak Ba Ema Hotu, Inklui Ema Difesienti Ba Dezenvolvimentu”.

Entertantu, Mateus nuúdar sifesenti hateten, durante neé sira sente triste tamba governu nunka fo atensaun ba sira nia problema.

”Ema normal ho ema difisiente laiha diferensa, tamba neé, hau husu governu labele diskrimina nia povu rasik iha rai laran,” nia sublinha.

.