.
Jornal Timor Post - Sesta, 09 Dezembru 2011
Implementa amnestia iha Timor Leste sei fo dezastre boot id aba Estadu rasik, tamba seidauk tau kondisaun diak ba vitima sira nia moris.
“Se Prezidenti Republika hakarak fo amnestia ba ema ne’ebe mak liu hona husi tribunal formal, ida ne’e fo dezastre bot id aba Estadu no Povu, ida ne’e sei hamosu tan situasaun ida ne’ebe mak ita sei labele kontrola,” Responsavel Aliansa Nasional ba Tribunal Internasional, Xisto dos Santos ba jornalista sira iha jardim 5 de maiu Kolmera, Dili, Kuarta (07/12), relasiona ho Presidenti Republika husu parlamentu atu deskute lei amnestia ba ema ne’ebe viola direitus humanus iha tempu okupasaun Indonesia.
Nia informa amnestia hanesan konseitu ida bulak duni ne’ebe labele eziste iha tempu ida ne’ebe maka povu Timor seidauk hetan lia loos no justisa.
Atu implementa amnestia, nia tenki, Estadu presiza haree lai nia impaktu saida mak sei mosu, tamba to’o agora sei iha vitima barak maka estadu la tau matan ba sira.
.
0 comentários:
Enviar um comentário