.
Jornal Timor Post - Kuarta, 14 Dezembru 2011
Presidenti Republika (PR), Jose Ramos Horta hateten, ajudu dezenvolvimentu Timor Leste durante ne’e, nasaun Australia no Estadus Unidus Amerika barak liu apoiu ne’ebe mak nasaun China suporta ba Timor Leste.
PR Horta hato’o lia hirak ne’e ba jorna;osta sira iha Palasio Presidensial Bairo-Pite, Dili, hodi hatan ba Jornalista sira nia perguntas kona ba nasaun sira ne’ebe mak ajuda barak liu ba Timor Leste.
Tanba ne’e, Presidenti Republika informa katak, nasaun tomak ne’ebe sai parseiru dezenvolvimentu ba Timor Leste iha suporta hotu, maibe, durante ne’e sei iha nasaun rua deit mak suporta barak liu ba Timor Leste, hanesan, Australia no Estadus Unidus da Amerika (EUA).
“Ita haree nasaun China ohin loron komesa apoiu ona estadu Timor Leste hodi harii konstrusaun edifisiu estadu no uma forsa nian, maibe, nasaun Australia noa Amerika mak sai nafatin nasaun ne’ebe apoiu barak liu ba Timor Leste,” informa PR, Horta, segunda foin lalais ne’e.
maibe husi suporta hirak ne’ebe mak fob a Timor Leste, atu barak ka oituan, ba xefi estadu la importante, maibe presija liu mak nia kualidade diak ba povu no nasaun Timor Leste.
“Apoiu hotu importante, tanba sempre iha benefisiu, kuandu iha kualidade ne’ebe mak diak,” hateten PR Horta.
.
0 comentários:
Enviar um comentário