.
Jornal Timor Post - Kuarta, 21 Dezembru 2011
Laos ona segredu wainhira uza kareta estadu iha loron feriadu ba uzus privadus no partidarius, Manuel Sarmento Benevides hanesan povu kiik iha Sub Distritu Maubisse, Distritu Ainaro la kontenti ho atetude funsionarius iha instituisaun governu nian balun no membru Parlamentu balun ne’ebe uza kareta estadu iha loron feriadu hodi hala’o fali aktividade seluk ka viazen.
Nia haktuir, bainhira iha tempu feriadu hanesan loron sabadu, domingu sira lori kareta estadu nian ne’ebe atu lori servisu hodi servi ba povu hotu, maibe realidade akontese iha ita nia rain oin seluk fali, liliu iha parte rai klaran ne’e, kuaze funsionariu barak mak lori kareta tula fali sira nia familia halo viazen.
“Ne’e hatudu momos ba ita katak, ema sira ne’e la kumpri ona lei no ordem ne’ebe vigora iha ita nia tain, tuir lolos se deit mak servisu iha instituisaun governu tenki ho matenek no lao tuir lei,” lamenta.
.
Manuel, ba Jornalista, iha Sabadu, (10/12) foin lalais ne’e iha
Maubisse.
Nia husu, tamba saida mak PNTL labele kontrola kuandu, membru governu no deputadu sira uza kareta estadu iha tempu feriadu, bainhira mai husi Dili, nia sublinha tan, sasan estadu nian ne’e povu nia la’os
sira nia kusta, tenki hala’o servisu ba povu, laos uza fali iha temo feriadu hodi hala’o aktividade privadu no partidu nian.
Nune’e, nia husu ba parte PNTL atu halo seguransa no kontrolu ba kareta estadu, se deit mak uza la tuir dalan tenki hetan sensaun ruma, atu nune’e sira labele uza sasan estadu nia hanesan sira nia kusta.
Tuir observasaun Diariu ne’e nota katak, durante loron sabadu (10/12) no domingo (11/12) iha Sub Distritu maubisse no distritu Aileu, iha funsionariu balun ne’ebe lori kareta estadu nia halo duni viazen husi Dili ba iha distritu refere, kuaze kareta hamutuk besik 30.
Diariu ne’e mos identifika, kareta ne’ebe funsionariu sira uza mak hanesan, kareta husi Ministeriu Edukasaun, Ministeriu Saude, STAE, Diresaun Nasional Terras e Propridades (DNTP), no mos kareta membru
Parlamentu Nasional ne’ebe uza kartea estadu nia ba halo aktividade partidu nian iha sub distritu Maubisse.
.
0 comentários:
Enviar um comentário