.
Notisia Husi TVTL - Iha Segunda Kalan, 19 Dezembru 2011
Komunidade Sub Distritu Laklubar, Distritu Manatutu senti laran triste ba estrada ne’ebe at no halo komunidadi sira labele hetan asesu ba transporte publiku, tamba ne’e komunidadi iha fatin refere husu atensaun ba governu atu orjentimente buka solusaun.
Estrada ne’ebe nakonu ho kuak obriga komunidade sira tenki la’o ain ho distansia ne’ebe dok atu bele fa’an sira nia produtu lokal.
Paulina Soares nu’udar komunidade husu ba governu atu hare mos sira nia kondisaun estrada ne’ebe sai difikuluta ba sira nia moris.
“Estrada ne’e boot sira haree ba ami nia estrada hodi tau matan, ami labele asesu ba merkadu hodi fa’an ami nia sasan,” dehan nia.
Entertantu Antonio Soares mos lamenta tebe-tebes ho kondisaun estrada ne’ebe sira infrenta, tanba mandatu AMP nia atu remata ona no tinan-tinan sempre aprova osan bot ba area infra-estrutura maibe to’o agora estrada ne’e seidauk hetan atensaun husi governu.
“Hau senti la dun diak, tamba durante tinan barak ona governu ne’ebe ukun, maibe estrada mai ami nia fatin ne’e at beibeik, ida ne’e mak hau senti triste oituan,” tenik nia ho protesta.
Kuda nu’udar meus ba transporte uniku ba povu iha area refere, tamba governu ne’ebe ukun nasaun ida ne’e, la tau atensaun ba estrada iha fatin ne’e, no halo komunidadi sira balun tenki la’o ain husi kilomtru ba kilometru, no Governu halo povu sira sai izoladu iha tempu ukun Governu AMP nia.
Impaktu husi estrada ne’ebe at halo transporte ne’ebe dezloka ba sub Distritu ne’e tenki hetan asidenti hanesan roda kuak, tamba ne’e laiha transporte publiku ne’ebe bele tula pasizeiru ne’ebe atu mai iha distritu hodi fa’an sira nia produtu lokal hanesan, Tua, aifuan, modo no selu-seluk tan.
.
0 comentários:
Enviar um comentário